7th Measina Conference 2016

measina-logo-300x300                                                                     nus-logo-official

Measina a Samoa
Fonotaga lona Fitu – 15-17 Novema, 2016

Polokalame o le Fonotaga

Fa’atomuaga:
O le a usuia le fonotaga lona fitu O Measina a Samoa mai le aso 15 – 16 o Novema, 2016 i le Iunivesete Aoao o Samoa i le Papaigalagala. Na ulua’i fuafua ma fa’ata’oto lenei polokalame O Measina a Samoa ma le manatu autu, ina ia maua ai ni avanoa lelei, mai lea taimi i lea taimi, e fa’atalatalanoaina ai ni isi o mataupu ua fa’atauaina i le talafa’asolopito o le aganu’u a Samoa, atoa ai fo’i ma ni lu’itau tetele i ia aganu’u ma agaifanua ua mafua mai ona o ‘ese’esega o le soifuaga i nei aso ma aso ua mavae.

E ‘ese’ese manulauti o fonotaga e ono ua mavae. O le fonotaga lona ono i le 2012, o le manatu autu na ta’ita’iina ai saunoaga ma folasaga “Ua e pale, ua e ‘ula, ua e titi i lou fa’asinomaga, ae fa’apefea ona mata’itu ne’i lofia i peau laga o le taifana’e”. O le tele o nei folasaga ua lomia ma fa’asalalauina i tusi ma upega tafa’ilagi a le Laumua o Su’esu’ega o Mata’upu Tau Samoa, i le Iunivesite.

Manulauti o le Measina lona Fitu:
O le tasi lenei fa’a’upuga ua fai ma muagagana a le atunu’u i nei aso – “E Sui Faiga ae Tumau Fa’avae”. Ua fa’alogo so’o le atunu’u o fa’aaoga lenei muagagana e failauga i fetalaiga ma saunoaga i fa’alavelave fa’asamoa; ua fa’aaoga so’o fo’i i lauga a faipule i felafolafoa’iga i le Palemene; ua fa’aaoga so’o fo’i e faife’au ia latou lauga fa’alelotu; fa’apea faiaoga i totonu o potu aoga; ae maise talatalanoaga fa’asamasamanoa i maota ma laoa i le atunu’u. Ua iai ni isi ua taofi ma ua fa’aaogaina lenei muagagana e foliga mai o se alaga’upu. Peita’i ane, ona e le’i mautu lelei le uiga o lea muagagana, ma o lo’o nenefu pea lona fa’auigaga ma vaega tonu o aganu’u ma agaifanua o lo’o faatatau i ai, ua le talafeagai ai ona fa’aaogaina pei o se alaga’upu.

A matau lelei taimi ma mafua’aga e masani ona fa’aaoga ai lenei muagagana, e foliga mai e matele ina fa’aaoga pe a talanoa se failauga i ni aganu’u ma agaifanua ua maitauina ni suiga i lo latou fa’atinoga i aso nei, peita’i o lo’o taumafai ia failauga, e fa’aaoga le muagagana lea e fa’ato’afilemu ai ni manatu popole ona o suiga ogaoga ua a’afia ai Samoa ma lana aganu’u i nei aso. Ui o lea, ua le o taofia ai le tu’ufesili pea, ona o suiga ua maitauina i le fa’atinoga o le aganu’u ma agaifanua a Samoa. Fa’ataitaiga:

1. Pe o tumau pea fa’avae ma filosofia o le fa’asamoa i nei aso pe a taga’i i faiga saofa’i ua fa’asafua ai suafa matai, ma asu ‘ava a matai fou e pei o se vai tipolo?

2. O tumau ea faiga fa’avae fa’asamoa i le tausia ma le fa’aaogaina o lau’ele’ele tau Samoa i aso nei?

3. O a ni a’afiaga o le pulea ma le fa’aaogaina o fanua fa’aleaganu’u ona o le tulafono na fa’ataga ai Pule Fa’amau?

4. Ua matauina le fa’atupuina o le aofa’i o aiga ua fai a latou pa uaea e puipui ai o latou fale i totonu o fanua fa’aleaganu’u. Ua fai fo’i faitoto’a e tapuni ai le sopo’ia o ia fanua e ni isi o le aiga potopoto. O afaina le puleaina o fanua tau Samoa ona o ia uiga?

5. O iai ea ni talitonuga fa’atapua’iga fa’asamoa o totoe talu ona taunu’u mai lotu Kerisiano i Samoa?

6. O tumau ea mamalu o nu’u taitasi e pei ona fa’atulaga mai i fa’alupega, pe ua fa’asolo ina fa’aaoga fa’alupega ma fa’amanatuga o aso ua mavae, ae ua leai so latou aoga tele?

7. Po’o fa’apefea ona fa’aaoga ma a’oa’oina le gagana Samoa ina ia mautinoa o le a le mou atu e pei o le tele o isi mau gagana a le lalolagi?

8. O gafea o fa’avae o nu’u nei e fa’asa ona umia e tamaitai suafa matai, o le a a’afia pe’a fa’ataga ona matai tama’ita’i ma auai i fono?

Folasaga:
E ui ina feso’ota’i le tali i fesili ua ta’ua, e talosagaina le au fai folasaga ina ia agai tonu ma fitoi tonu a latou folasaga i se mata’upu e tasi. E talu ai ona o nisi o mata’upu e ono a’afia ai aiga ma tagata o lo’o soifua, o lea e talosagaina ai le au fai pepa ina ia ‘alo’alo ese mai i mata’upu ma gagana e ono afaina ai talatalanoaga i mafutaga fa’apenei. O le a mafai e le komiti fa’afoe o le fonotaga ona teena ma le fa’atagaina ni folasaga e le talafeagai.

Afai e fia fai sau folasaga i lenei fonotaga, fa’amolemole logo vave mai le komiti fa’atonu o le fonotaga. O le a fa’agata le taliaina o i latou e fia faia pepa i le fa’aiuga o Mati, 2016. Ua manatu fo’i le komiti ia o’o atu i le fa’aiuga o le masina o Iuni, ua ‘ato’atoa uma mai pepa tusitusia. O le a le taliaina ni folasaga pe a leai ni pepa tusitusia.

O le a maua atu i le komiti ni isi fa’amatalaga e uiga i le tusiga o pepa, atoa ai ma le lomiga pe a mae’a le fonotaga.

Resitara:

Ua mafai nei ona maua la tatou pepa resitara i le www.nus.edu.ws poo le www.samoanstudies.ws.

USD$100   Sui auai mai fafo                         ST$100    Sui auai mai Samoa
US$30        Tamaiti aoga mai fafo                ST$50       Tamaiti aoga mai Samoa

Komiti:

Fa’amolemole fa'afeso’otai mai so’o se isi ua ta’ua i lalo o latou suafa mo nisi fa’amatalaga:

Dr Malama Meleisea, Director, Centre for Samoan Studies: Ph (+685) 20072 Ext 388, [email protected]

Seiuli Vaifou Aloalii Temese, Head of Samoan Department: Ph (+685) 20072 Ext 308, [email protected]

Mrs Safua Akeli, Manager Projects & Post Graduate Programmes: Ph (+685) Ext 336, [email protected]

Mrs Lorena Alesana, Information and Communications officer,
Ph (+685) 20072 Ext 309, [email protected]

Ms Dora Neru, Secretary, Ph (+685) 20072 Ext 369, [email protected]

 

The 7th Measina a Samoa Conference
15th-17th November 2016

Download Programme

The Measina Conference is an international conference hosted by the National University of Samoa every three/four years. The last conference was held in 2012. The conference proposed for 2016 is the seventh in the series.

Conference Objective:
The Measina conference was initiated as a forum to discuss the historical origins and contemporary state of what Samoans regard as treasures (measina) in their customs and culture – including the Samoan Language. Several of the papers presented in the previous conferences have been published in conference proceedings – some in the Journal of Samoan Studies (JSS).

Theme:
There is a saying in Samoa: ‘E sui faiga ae tumau faavae’ – which translates approximately as ‘practices may change but the foundations remain’. This is often quoted by speakers who, when acknowledging that changes have occurred in the way Samoan culture is practiced, insist that the fundamentals remain intact. This has acquired the status of muagagana – a saying. It is not, as some people contend, a proverbial expression – principally because when interrogated closely, the meaning is vague and unspecific, and its value as an analytical tool is therefore hard to establish. However, its ambiguity is probably one of the reasons why the Samoans continue to utter it in formal speeches and traditional orations, in parliament, from the pulpits, in class rooms and in conversation about fa’asamoa. When speakers address issues of change they generally acknowledge that change is inevitable. Yet they utter this saying, perhaps to reassure themselves and their listeners who are uncomfortable with the inevitability of change; who hope that the foundations of the culture is solid and unchangeable. Some of the questions which are being asked increasingly by Samoans in the context of current practices include:

1. Can the traditional fa’avae (the foundational ideology and principles) of the fa’asamoa remain in the context of mass title-sharing that we have witnessed in the last fifty years?

2. Is the traditional fa’avae of land tenure (land usage and ‘ownership’ and inheritance) still relevant?

3. How has the Pule Fa’amau affected communal access to customary land in contemporary Samoa?

4. Is the practice of fencing and gating customary land, and locating family graves on it, an informal way of introducing privatization?

5. Have the traditional fa’avae of spiritual beliefs and practices survived the onslaught of introduced religion on Samoan ways of thinking?

6. Are the traditional fa’alupega fa’avae of villages and districts still relevant, or are they just forms for speeches by which we acknowledge the past?

7. How and in what form should the Samoan language be taught to guarantee that it survives as a complete and important means of spoken and written communication?

8. Does acknowledging titles when held by women (and expecting them to participate in the village fono) change the fa’avae of those villages which currently do not permit this?

Presentations:
Although all the issues above obviously overlap, presenters are encouraged to focus their presentations on one area only. Personal beliefs and opinions are important but we encourage presenters to focus on issues to disguise the names of people and village in their presentations, principally because family matters relating to the above issues are always controversial and sensitive. The organisers will reserve the right to reject presentations which are deemed unacceptable for a conference of this kind.

Presenters are asked to send in expressions of interest by the end of March, 2016 and completed papers by the end of June. This will be the deadline - papers submitted after that date will not be accepted.

Those who are interested in making presentations can request the format of papers from us. This is very important if you wish to have your paper published. We will endeavour to put together the conference proceeding - which is not the same as publishing in refereed journals and book chapters – of the presenters choice. The Journal of Samoan Studies (JSS) would be happy to publish papers subject to normal peer review and editorial requirements.

Registration:

The registration form is available at www.nus.edu.ws or www.samoanstudies.ws.

USD$100.00    International Participants                 ST$100.00     Local Participants
US$30.00         International Students                       ST$50.00       Local Students

Contacts:

If you require further information please do not hesitate to contact:

Professor Malama Meleisea, Director Phone: (+685) 20072, Ext 369; [email protected]

Seiuli Vaifou Aloalii Temese, Head of Samoan Department: Ph (+685) 20072 Ext 308, [email protected]

Mrs Safua Akeli, Manager Projects & Post Graduate Programmes: Ph (+685) Ext 336, [email protected]

Mrs. Lorena Edith Tovio-Alesana, Information & Communications Officer
Phone: (+685) 20072 Ext. 309; [email protected]

Ms Dora Neru, Secretary, Phone: (+685) 20072 Ext 368; [email protected]

TOP